本世紀最大發明

十幾年前已經自己俾錢買左個，七、八年之後我阿爸又買左個，識左Ronald之後發覺佢都有一個，三個人o係三個唔同時間買左三個款，個但係到要用o既時候竟然無個用得？！係，我係講緊我個手寫板。

十幾年前自己買o個個o既插頭係Parallel Port，一睇就知無得救，廢得。七、八年前阿爸買o個個係USB Port，但係偏偏搵唔倒安裝軟件不翼而飛，搞到我要向Ronald求救。開始時以為包冇死，點知原來連佢都冇Installation CD，只有soft copy，諗住用MSN傳過黎都OK，點知傳左成晚先有13MB，個軟件總共50MB，咁咪有排？終於Ronald又要放入Memory Stick再送黎俾我。幾經辛苦我先可以用到本世紀最大發明 -- 手寫板。

我o係度諗，唔知個手寫板同labtop touch pad幾時可以二合為一呢？